出到黎做野...真係同讀書唔同...

讀書階段...
係開心的..因為有一班同學仔日日吹水..
講乜都得, 冇野要避...根本冇野要煩
唯一唔好就係全女仔...打波都冇伴...

功課係辛苦...但點都有導師教你...
實習係辛苦...要寫唔係人寫的教案...反思...
做一d無論點都係俾人話錯的教學.....
d仔知你唔係正教...認真極有限...想做乜都有限制
我一直都懷疑自己岩唔岩人老師

出到黎做野
係唔開心的...
因為同事同你講的話題...大多唔岩channel....
講野又要就住就住..怕講錯野..得罪人...
四週見到的...都係不可遠觀亦不可褻玩焉的...
做事冇人會應份教你...因為你應份要識...

工作係辛苦...教案反思,評估, 課外活動
但每日都有百幾二百仔0係條走廊度...0係門口...彈下彈下噤叫mr lui
每日幾辛苦...幾眼訓...我都會都笑面迎童
自己有自己的教學空間...可以用自已belive..用自己方法教...
我知道我的教學各位同事唔會buy...但起碼我的堂我話事...小朋友上得開心....

好開心...我學校有幾個同我差唔多年紀的NET...同我偶爾打下波..講下波...
令我0係呢間中學,小學,幼稚園共聚的地方....
得到幼稚園, 小學, 中學, 大學的歡樂

每次面聖...我都係怕怕的...
雖然校長好nice...好好人...
但呢幾年學摺埋...變得個人都怕面對高層....

每次入房...校長都硬係俾d好難gei task我....
唔知係校長睇得起我...定係有心試我.....
第一次....見工...
第二次...搞合唱團...-__-"

早幾日面聖...校長噤快問我下年想做乜野工作岡位
1問) 想繼續做英文老師, 定係想做正教...
1答) 想做正教...其實心底...除左身邊同學個個都係正教外...果份人工亦係吸引人之處
不過依家呢個post雖然多野做...但其實唔洗對家長都叫舒服ga啦

2問) 如果做行政工作點
2答) 好...心底...根本我就係想做行政野...對文件好過對人啦...

3問) 如果行政野,即係做主任啦同正教呢
3答) 正教....心底....好想做行政...但正教都未體驗過...我怕d野handle唔黎啊...
而且....學校已經2個主任....我答行政...你會開多個位俾我定係炒主任啊....罪臣該死....

開工未夠一個月就問下年....我都冇預計到點答....十萬個odd...
另外校長仲有第4問

4問) 未來5年會唔會進修...

3個月前的我...一早向大家聲大大噤講過...
讀夠書啦....
咪玩啦
如果我係有心讀gei就唔會3rd hon啦....

不過依家......................
掙扎左幾日.....諗左好多野....家庭....金錢(雖然clam到部份學券)....時間.....

今日做左個決定........2011.......
絕對唔知呢個決定是對是錯......但........

最新WED時間表